ಟಿಪ್ಪರ್ ಬ್ರೇಕ್‍ಫೈಲ್ ಆಗಿ ಬಸ್, ರಿಕ್ಷಾ, ಬೈಕ್‍ಗೆ ಢಿಕ್ಕಿ; ಓರ್ವನಿಗೆ ಗಾಯ – ಎನ್.ಎಂ.ಸಿ ನ್ಯೂಸ್

ಮಣಿಪಾಲ: ಟಿಪ್ಪರೊಂದು ಬ್ರೇಕ್‍ಫೈಲ್ ಆದ ಪರಿಣಾಮ ಎದುರಿನಲ್ಲಿ ಹೋಗುತ್ತಿದ್ದ ಬಸ್, ರಿಕ್ಷಾ ಹಾಗೂ ಬೈಕ್‍ಗಳಿಗೆ ಢಿಕ್ಕಿ ಹೊಡೆದ ಘಟನೆ ಇಂದು ಬೆಳಗ್ಗೆ ಮಣಿಪಾಲದ ಐನಾಕ್ಸ್ ಚಿತ್ರಮಂದಿರದ ಎದುರು ಸಂಭವಿಸಿದೆ. ಮಣಿಪಾಲದಿಂದ ಉಡುಪಿಗೆ ಬರುತ್ತಿದ್ದ ಕಾರ್ಕಳ ಸಮೀಪದ ಜಾರ್ಕಳದ ಟಿಪ್ಪರ್ ಬ್ರೇಕ್‍ಫೈಲ್ ಆದ ಪರಿಣಾಮ ಎದುರಿನಿಂದ ಹೋಗುತ್ತಿದ್ದ ಬಸ್‍ಗೆ ಢಿಕ್ಕಿ ಹೊಡೆಯಿತು. ನಂತರ ಅದೇ ದಿಕ್ಕಿನಲ್ಲಿ ಹೋಗುತ್ತಿದ್ದ ರಿಕ್ಷಾಗೆ ಢಿಕ್ಕಿ ಹೊಡೆದ ಟಿಪ್ಪರ್ ಎದುರಿನಲ್ಲಿ ಬರುತ್ತಿದ್ದ ಬೈಕ್‍ಗೆ ಢಿಕ್ಕಿ ಹೊಡೆಯಿತು.

ಇದರಿಂದ ರಿಕ್ಷಾ ಹಾಗೂ ಬಸ್‍ಗಳಿಗೆ ಸಣ್ಣಪುಟ್ಟ ಹಾನಿ ಸಂಭವಿಸಿದರೆ, ಬೈಕ್ ಸಂಪೂರ್ಣ ನುಜ್ಜುಗುಜ್ಜಾಗಿದೆ. ಬೈಕ್ ಸವಾರ ಸುದರ್ಶನ್ ಗಾಯಗೊಂಡಿದ್ದಾರೆ. ಉಳಿದಂತೆ ಯಾರಿಗೂ ಗಾಯಗಳಾಗಿಲ್ಲ ಎಂದು ತಿಳಿದುಬಂದಿದೆ. ಈ ಬಗ್ಗೆ ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Be the first to comment

Leave a Reply

Your email address will not be published.


*